Inno

Pratobello

Orgosolo pro terra de bandidos
Fina a eris dae tottu fis connotta
Ma oe a pratobello tottu unidos
Fizzos tuos falados sunis in lotta
Contra s’invasione militare
Chi fin a eris fin faghende lotta
E inveze de trattores pro arare
Arribban carrarmados e cannones
E truppas de masellu pro addestrare
Mandada dae so solitos buffones
Chi gheren chi rinasca sa barbagia
Cun parcos pro sa muvras e sirbones
Naran puru chi sa zente er malvagia
Chi vivene de furtos e ricattos
In sa montagna infide e selvaggia
Pro che finire custos malofattos
Han dadu a sa sardigna attera via
Custos buffones dezidin cumpattos
De mandare regalu polizia
Sos contadinos e i sos pastores
E tottu ganta sa zente famida
Aisettana concimes e trattores
Pro faes pius latte e pius pane
Inveze tottu an dadu a sor signores
A Rovelli Moratti e s’Agakane
Poverinu e miseru s’anzone
Ch’isetta latte da su mariane
Poi poi si pea su cuccone
Orgosolo fiera e corazzosa
Tottu ganta sa popolazione
Tottu custu ha cumpresu e minazzosa
E si armat de fuste po iscazzare
Cussas fascistas e odiosas
Chi gustu destasegu de torrare
Lassande sas montagnas e pianos
Attraversende lagos e su mare
Non che bandidos ma ch’e partigianos
Han dimostradu a sos capitalistas
Chi solu cun su fuste e cun sas manos
Orgosolo che manda sos fascistas
Orgosolo che manda sos fascistas